چه‌پكه‌ شیعرێك بۆ مناڵان به‌ناونیشانی (نـه‌نـه‌) ، له‌ هونراوه‌ی: كاك ئاكۆ مه‌حه‌مه‌د سابیر ، نیگار و ئاماده‌كردنی: كاك شكۆ عه‌لی عه‌سكه‌ری

ژینگه‌

 

ئه‌م باخچه‌ و كانی و ئاوه‌

سه‌یریكه‌ن چه‌ند ڕازاوه‌

بۆن و به‌رامی خۆشی

عه‌تر و گوڵاو ڕژاوه‌

چیمه‌ن و گوڵ تێكه‌ڵاو

ئه‌ڵێی فه‌رشه‌ چنراوه‌

به‌رسیله‌ی تازه‌ و ناسك

شۆڕبۆته‌وه‌ له‌ لاسك

شنه‌ بای دڵ فڕێنه‌

خۆشترین باوه‌شێنه‌

كانیه‌كه‌ی هێنده‌ ڕوونه‌

زیخ و چه‌وی ئاڵتونه‌

سه‌یری كه‌ وه‌ك ئاوێنه‌

قژی له‌به‌ر داهێنه‌

ئای له‌ بێگه‌ردی و پاكی

هاوڕێ یه‌كی چالاكی

زۆر سوپاس بۆ تۆی به‌ڕێز

هاووڵاتی ژینگه‌ پارێز

با هه‌موو به‌ دڵسۆزی

وڵات جوانكه‌ین به‌ سه‌وزی

 

 

  

گه‌ڕانه‌وه‌ بۆ شیعره‌كان